Келин бўлиб тушган уйдаги муҳит
18:56 / 28.01.2021 | M&M | 1625
Ассалому алайкум! Мен келин бўлган уйда эрим иккаламиздан бошқа ҳеч ким намоз ўқимайди. Бу оила ўқитувчилар оиласи бўлишига қарамай қайнонамда дин, намоз ҳақида умуман тушунча йўқ. Эрим жума намозларига чиқади ва у ердаги маърузалар ҳақида гапириб беради. Қўшиқчилик, қизиқчилик ҳаром экан деса, нега биз улардан маънавий озуқа оляпмизку дейди доим. Бирор асос тополмаганим учун мен аниқ жавоб айтолмаяпман.
«Зикр аҳлидан сўранг» ҳайъати:
– Ва алайкум ассалом! Сизлар уларни ишини ҳаромга чиқариш ва танқид қилишни тўхтатинглар. Шариатга мувофиқ жиҳатлари бўлса олқишланглар ва қўлига устозимиз раҳимаҳуллоҳнинг китобларидан бериб қўйинглар. Валлоҳу аълам!
