Мансабидан фойдаланиб ходимига зулм ўтказиш

Ассалому алайкум! Мен давлат ташкилотида ишлайман. Раҳбаримизга янги ўринбосар тайинланди. У инсон олдин ҳуқуқий идораларда ишлаган экан. Ёши 60 дан ошган. Нафақадаги одам. Мен 32 ёшдаман. Бир нафар фарзандим бор. Уйда ёлғиз мен ишлайман. Ота-онам ҳам мен билан туради. Отам ҳам нафақада. Онам уй бекаси. Аёлим декрет таътилида. Янги раис ўринбасари менга аризангни ёз бошлиққа айтаман қўл қўйиб беради деб айтаяпди. Мен билан қасдлашиб қолган. Нимага қасдлашиб қолганига ҳайронман. Бир ҳамкасбимизни айтишича бир мутахасисимиз тўй қилган эди. Ўша тўй бўлган ҳовли 120 км узоқда жойлашган. Бошлиқ ўринбосари менга ўша тўйга мени олиб бориб кел деб айтган эди. Мен рози бўлмаган эдим. Сабаби ўша вақти менинг ишларим бор эди. Ўйлаб қарасам ўша тўйдан бери мен билан қасдлашиб қолган. Арзимаган боҳоналар билан менга аризангни ёз деган гапни кўп қилаяпди. Раҳбаримиз менга хеч қачон аризангни ёз демаган. Доим сенинг ишингдан розиман деб айтади. Саволим шу иш тўғрими? Ҳадисларимизда , диний китобларимизда мансабидан фойдаланиб тазйиқ ўтказиш борасида нималар дийилган?