Болаларни масжидга келиши макрухми
Ассалому алайкум! Кеча тарових намозининг 1-кунида имом ёш болаларни қачон намоз ўқишни ўргангандан сўнг олиб келинглар, билмаганларни олиб келманглар, болаларни катталар билан бир сафда туриши макрух амал деди. Ахир Ибн Аббос розияллоҳу анҳу балоғатга етмаган пайти пайғамбаримизнинг ўнг ёнларида ўқиганку? Болалар масжидда ўрганмасалар каерда ўрганадилар. Биз хам боболаримизни орқаларидан эргашиб келиб, намозга мехрими шу ерда тушган, одамларга қараб ўрганишни бошлаганмиз.
– Ва алайкум ассалом! Ўзини эплолмайдиган, намозни фарқига бормайдиган ёш болаларни олиб келиш тўғри эмас. Расулуллоҳ соллаллоҳу алайҳи васаллам “Ақли заиф ва ёш болаларингизни масжиддан четлатинглар” деганлар. Намозни тушунса, ён-атрофдагиларни намозини бузмайдиган даражадаги ёшда бўлса олиб келиш албатта жоиз. Шунинг учун болаларни олиб келаётганлар эътибор қаратишсин. Валлоҳу аълам!
