Тахоратсиз намоз
23:37 / 18.07.2021 | Saida'lo | 2605
Ассалому алайкум! Ман билмаган ҳолда тахоратсиз ҳолда жамоат билан намоз ўқидим ва жамоат учун иқомат такбирини айтдим. 3-ракатга келганда тахоратим йўқлиги эсимга тушди, аммо намозни тугатдим. Лекин имомга эргашганлигим учун ўзим ҳам қайта ўқимадим. Ман айтган иқомат такбири туфайли қолганлар намози бузилган ҳисобланадими ёки бузилмаганми? Агар бузилган бўлса қандай тўғрлашим керак?
«Зикр аҳлидан сўранг» ҳайъати:
– Ва алайкум ассалом! Қолганларнинг намози бузилмаган, лекин сиз ўша намозни қазосини ўқиб олинг. Мусулмон одам намозни бошлашдан олдин таҳоратини бир сарҳисоб қилиб олиши керак. Валлоҳу аълам!
