Ишхона мулкини тартибсиз ишлатиш
Ассалому алайкум! Ишхонада кўп киши ишни тугатиб уйга кетганда компютерини ўчирмасдан кетади. Сабаб нима десагинз, эртага яна шунча программаларни бошидан ёқишим керак бунга вақт кетади деган манода гап бўлади. Базилар эса буни оддий холат деб қабул қилади. Яна бошқалар эса сенинг пулинг кетмаяптику дейди. Шуни холат буйича шарий хукмни айтсангиз, ишхонадагилар савол жавобларни кузататадиганлар бор манфаатли бўлади деган умиддаман.
– Ва алайкум ассалом! Бу аввало омонатга хиёнат, ишхонанинг мулкини талон-тарож қилиб ҳаддан ошиш ҳисобланади. Ундан ташқари исроф ҳам бўлади. Аллоҳдан қўрқишсин.
Қуръони Каримда: “Албатта, Аллоҳ хоинларни севмас”, “Ҳаддингиздан ошманг. Албатта, Аллоҳ ҳаддидан ошувчиларни севмас” ва “Ва исроф қилманглар. Албатта, У исроф қилгувчиларни севмас”, дейилган. Валлоҳу аълам!
