Эридан сўрамасдан меҳрибонлик уйига совға бериш

Олийгоҳда контракт асосида ўқийман. Турмушга чиққан бўлсам ҳам, оилавий шароитимни ҳисобга олиб контрактимни ўзимнинг дадам тўлайдилар. Яқинда институтда янги йилга бюджетдан ортиб қолган пул, премия (моддий ёрдам) беришди. Стипендиямга қўшиб. Мен у пулни кутмагандим. Ўтган жума эди. Домлаларимиздан меҳрибонлик уйига боришганини эшитдим ва кўнгимга тугдим. Шу куннинг ўзидаёқ хўжайинимдан сўрамасдан супермаркетдан 8 та совға олдим(янги йил байрамига) ва уйимизга яқин бўлган меҳрибонлик уйига олиб бордим. Кейин ҳожайинимга айтдим. Улар: “Агар ўзингдан ортса бировга олиб бориш керак, ҳамма нарсанг етарли бўлса” дедилар. Сездимки улар жуда хурсанд бўлмадилар. “Майли яхши қилибсан” дедилар, қисқагина. Мен улардан сўрамасдан шунақа савобли ишлар қурбим етганча (кам бўлса ҳам) қилиб турсам бўладими ёки улардан албатта сўрашим керакми?