Шифокор формаси
21:40 / 13.02.2022 | Zayniddin | 1136
Ассалому алайкум! Мен тиш шифокорлиги бўйича ишҳонада ишлайман шу ҳолатда бизни кийимга гипохлор, спирт, сўлак, тиш чархлаганда отилган қон, сув ва шунга ўхшаш нарсалар сачрайди. Кўпинча нуқта катталигида базан нохатдай ёки танга миқдорича суюқликлар тўкилиши мумкин. Шу кийимда номозларни адо этиш мумкинми?
«Зикр аҳлидан сўранг» ҳайъати:
– Ва алайкум ассалом! Ўша кийимга нажосат текса (сиз санаганлар ичида қон ва у аралашган сўлак ва сув) уни ечиб ёки алмаштириб намозингизни адо қилинг. Афв миқдорида бўлса ҳам бундай кийимда намоз ўқиш макруҳи танзиҳийдир. Валлоҳу аълам!
