Рўзам бузилдими?
20:13 / 18.04.2022 | Sahob | 1204
Ассалому алайкум! Рўза тутганман. Рамазон ойи Рўзасинининг иккинчи кунида ифторлик вақтига тахминан 5 дақиқа қолганда рўза тутганим эсимдан чиқиб қолдими билмадим тўсатдан бир майиз донасини тишлаб қўйибман ширин таъмини сездим-у дарҳол рўзалигим эсимга тушиб майизни ютмасдан тупириб ташладим. Кейин ҳеч нарса емадим ҳам ичмадим ҳам. Ифторлик вақти келганда ифторлик қилдим. Фақат энди шубхаланяпман рўзам бузилдими? Бошқатдан ўрнига тутишим керакми?
«Зикр аҳлидан сўранг» ҳайъати:
– Ва алайкум ассалом! Айнан айтганингиздек бўлган бўлса рўзангиз бузилмаган. Валлоҳу аълам!
