Қуйидаги ҳолатда ҳомилани олдириш

Ассалому алайкум! Биз ҳозирда аёлим билан ҳорижда яшаймиз. Ҳозирда аёлим ҳомиладор ва ҳомила тахминан 6-чи хафтасида. Бизни 11 ойлик чақалоғимиз бор ва аёлим ҳозир ҳам болани кўкракдан тўлиқ ажрата олгани йўқ. Чақалоқ кечалари ҳам фақат кўкрак билан уйқуга кетади. Бунинг устига аёлимни бурун қисмида яллиғланиш ҳасталиги мавжуд ва бундан 3 ой олдин наркоз билан операция бўлган. Операциядан кейин ҳам тўлиқ тузалиб кетмагач, шифокор бу хасталикни давоси учун антибиотик дорилар олиш зарур бўлишини айтди. Антибиотиклар эса ҳомила учун хавфли ҳисобланади. Эмизикли даврда бўлгани учун ва бунинг устига бурун қисмида хасталик бўлгани учун, ҳомиладорлик аёлимга оғирлик қилиши мумкин. Мен шариатимиздаги бир қанча фатволарни ўқидим, буларнинг ҳаммасида 40 кунгача, агар онанинг ҳаётига хавф бўлсагина, ҳомила олдирилиши мумкин дейилган экан. Ўзимизча хулоса чиқариб, Аллоҳга гуноҳ қилишдан қўрқаяпмиз. Шундай ҳолатда ҳомилани олдирса бўладими?