Фидия
06:28 / 11.05.2022 | Бека ツ | 694
Ассалому алайкум! Бувам фидиясини ўзини эрдан қайтган набирасига берса бўладими набирасини гўдак, касалванд қизи хам бор неварасини отаси хам ажрашган отасининг қармоғида эмас қисқа қилиб айтганда набираси ишламайди уйда касал фарзандига қарайди онаси ёрдам бериб туради лекин онасини 2 та уйи бор шундай холатда фидия берса жоизми?
«Зикр аҳлидан сўранг» ҳайъати:
– Ва алайкум ассалом! Жоиз эмас. Фидя, мискинларга, фақирларга, бева-бечораларга, ночорларга, закотга қодир бўлмаганларга берилади. Орасида туғишганлик ва эр-хотинлик алоқаси борларга, яъни ўзининг фарзандларига, фарзандининг фарзандларига, отасига, эрига, хотинига, бойларга, закотга қодир бўлганларга, закот бериш мумкин бўлмаганларга берилмайди. Валлоҳу аълам!
