Қазо намозлари
21:58 / 04.07.2022 | Nurmuhammad | 1016
Ассалому алайкум! Қазо намозларим бор, Аллоҳ насиб қилса ҳаж зиёратига кетябмиз. Маккада ўқилган намоз 1000 ракат намозга тенг бўлар экан. Шунда ўқилган намозларим қазо намозларимга ўтадими?
«Зикр аҳлидан сўранг» ҳайъати:
– Ва алайкум ассалом! Қаерда бўлсангиз ҳам неча ракъат қазоларингиздан ўқисангиз ўшанчанигина адо қилган ҳисобланасиз. Сиз ўйлагандек Маккада 2 ракъат қазо ўқисангиз 1000 ракъат ўқиган бўлмайсиз. Яъни 1000 ракъат қазо сиздан адо бўлган бўлмайди. Қазони қандай қилинган бўлса ўшандай адо қилинади. Валлоҳу аълам!
