Эмикдошлар ўртасида никоҳ
15:34 / 23.12.2022 | Baxrulloev Anvar | 667
Ассалому алайкум! Бир аёлнинг икки ўғли бор, кичик ўғли онасини эмадиган вақтда, аёл ўз опасининг 2 ойлик қизини бир маротаба эмизган. Аёлнинг катта ўғлига вояга етганда опасининг ўзи бир маротаба эмизган қизини олиб бермоқчи. Ушбу никоҳ шариатда мумкинми. айри домлаларимиздан суриштирганда қиз билан бир вақтда эмизган боланинг акаси бўлса бўлади дейишмоқда, агар уша қиз билан бир вақтда эмизган бола бўлганда мумкин эмас дейишмоқда. Шу масалада ёрдам берсаларингиз.
«Зикр аҳлидан сўранг» ҳайъати:
– Ва алайкум ассалом! Никоҳи жоиз эмас. Домла нотўғри айтибди. Ўша қиз билан икки ака-ука эмикдош ака-сингиллардир. Валлоҳу аълам!
