Қайси китобларни тавсия қиласиз?

ҳазрат. Мен Хақ йўлга энди кирганларданман. Ниятим фитна ёки бошқа нарса эмас. Коммунист ота-онанинг "Аллоҳ дилда бўлиши керак" деган тарбиясини олган, диндан бехабар аёлман. Сизни устоз билиб китобларингиз орқали билмаганларимни ўрганишга харакат қиляпман. Агар сизга берадиган саволларим жўн ёки ўринсиз бўлса сиздан узр сўрайман. Қилаётган хайрли ишларингиз давомли бўлсин. Сизга Аллоҳдан сабр тилайман. Аллоҳ икки дунёйингизни обод қилсин. Сура ёдламоқчи эдим, арабчани билмаганлигим учун ўзбек харфларида ёзилган китоб олиш мақсадида бозорга бордим ва кўпчилик намозхон сотувчилар тавсияси билан "ҚУРОНИ КАРИМДАН СУРА ВА ОЯТЛАР ВА УЛАРНИНГ ФАЗИЛАТЛАРИ"деб номланган (адашмасам) китобни олдим. Очиб ўқисам ШАРҲ сурасини идишга ёзиб ювиб ичилса у касалга даво бўлади, бу касалликнинг олди олинади кабилар ёзилган экан. Қалбимда бу китобга шубха уйғонгани учун қайтариб бердим. Тўғри қилдимми йўқми билмайман. Сиздан илтимос, менга тқғри йўл кўрсатинг. Савол 1. Қайси муаллифларнинг китобларини ўқишни тавсия қиласиз? Савол 2. Менга ўхшаб энди хидоятга юз тутганлар учун бошланғич китоб, яъни гуноҳ, савоб, макруҳ, . . . . Сўзларининг маъноси ва шулар тўғрисида тўлиқроқ малумот берувчи китобингиз борми, номи нима? Кўп савол берганлигим учун минг бор узр. Ёрдамингиз учун катта раҳмат.