Каффорати нима бўлади
Ассалому алайкум! Бундан 3-4 йил аввал биз тўйхоналарда тезкор фото хизматида ишлар эдик. Ва кунлик тушумга қараб бизга пул берар эди. Биз расмга тушуриб, агар оламан деса улардан пул олиб, чек берар эдик кейин расмни берганимизда чекни қайтариб олардик. Лекин аксарият ҳолларда биз расмни чиқариб олиб боргунча улар тўйдан кетиб қоларди ёки биз уларни топа олмай қолар эдик. Шунда биз уларни ҳаққини еган бўлиб қолганмизми? Агар шундай бўлса унинг каффоратига нима қилсак бўлади. Лекин ачинарлиси қанча инсонларни расми шунақа бўлиб берилмай қолганини билмаймиз.
– Ва алайкум ассалом! Уларнинг ҳақини еган бўласиз. Уларни топиб розиликларини олиш зиммангизда экан. Умуман топишнинг иложи бўлмаса ўша пулларни уларнинг номидан садақа қилиб юборасиз. Валлоҳу аълам!
