Шайтонга тош отиш ҳақида
18:35 / 05.04.2013 | Kamoliddin To'ychiev | 7202
Ассалому алейкум, Шайх жаноблари!
Саволим шундан иборатки, бир ҳамкасб акам Маккада шайтонга тош отишади, шайтон ҳақиқатдан ҳам ўша ерда бўлармикан, деган савол берди. Шу саволнинг жавоби қандоқ бўлади?
Жавоб учун олдиндан раҳмат! Аллоҳим ишларингизнинг ривожини берсин.
Шайх Муҳаммад Содиқ Муҳаммад Юсуф роҳимаҳуллоҳ:
- Шайтон ҳамма ерда ҳам бўлиши мумкин. Мисол учун сизга шу саволни берган одамни ҳам ўша малъун шайтон васвасага солган бўлиши мумкин. Айнан ҳажда ва маълум жойларда шайтонга тош отиш, шайтон ўша вақт ва жойларда Иброҳим алайҳиссаломга қутқу солганда у зотни уни тош отиб қувганлари учундир. Бунда шайтонга қарши курашнинг рамзи бордир.
