Ҳажга ҳомиладор аёл билан бориш

Ассалому алайкум, ҳурматли Шайх Ҳазратлари! Хориждаман. Ҳажга боришга қаттиқ ният қилгандик. Яқинда аёлимнинг ҳомиладор эканлигини билиб қолдим. Ҳажга олиб борувчи идора ходими (мусулмон) ва касалхонада аёлимни текширган врач иккаласи ҳам бормасликни тавсия қилди. Шифокор (мусулмон эмас) “ҳали ҳажда қанақа ҳаракатлар қилинишини билмасдан туриб бормаганинглар маъқул, узоқ йўлга учқичга минмаганинглар маъқул” деди. Ҳажнинг вазиятни тушунтирганда эса, “мен янада борманглар деб қоламан, лекин қарорни ўзларингиз қабул қилинглар” деяпти. Аёлим эса, ҳали ҳомиладор бўлмасдан олдин қаттиқ ният қилганимиз учун “Ўламан саттор бораман” деяпти. Қолаверса “истихора намози ўқидим, тушимда самалётда Ҳажга кетаётган эканмиз” деди. Идора ходими у ер жуда иссиқ ва Мино арафасида жуда тиқилинч бўлиб, ҳомиладор аёлга зарар этиши мумкинлигини ва идора ҳеч қандай кафолат бермаслигини айтди. Аёлим, Врач ва Идора ходими. Кимга қулоқ солай?