Вафот этган дадам учун каффорат қанча?
Ассалому алайкум! Дадам 52 ёшларида вафот этдилар, дадам умриларида намоз ўқимаганлар ва рўза ҳам тутмаганлар, раҳматли дадам учун каффорат қилсам бўладими, ман қизлариман, ўзим ўқтувчиман, ҳалол пул топаман, бунда ҳиссалари катта, дадажонимга тирикликларида яхшилик қилишга улгурмадим, энди ман шу бажармаган амалларини каффорат сифатида берсам бўладими, илтимос агар мумкин бўлса тартиби ва 52йиллик намоз ва рўзаларини каффорати қанча бўлишини ҳисоблаб берсангизлар, қиёматда шу икки амалдан ҳам савол жавоб қилинади дадажоним улгурмадилар насиб қилмаган экан, ўшанга юзлари ёруғ бўлишини истаётгандим.
– Ва алайкум ассалом! Фидя ва каффоротнинг миқдори бир вақт намоз учун ярим соъ буғдой ёки унинг қиймати. Бир кунлик рўза учун ҳам шунча бўлади. Ярим соъ буғдойни баъзи бир китобларда “1087,5 гр” ёзилиб қолган экан. Бу уламоларнинг таҳқиқотига бироз хилоф. Шунинг учун 2 килограммни олган афзал. Яъни бир вақт намоз учун 2 килограмм буғдой. Шунда бир кундаги 6 вақт намозга ҳисобланса 12 килограмм буғдой дегани. Шунда 1 килограмм буғдой 2000 сўм бўлса, бир кунлиги 24.000 сўм бўларкан. Бир йиллик намозлариники 8.760.000 сўм, бир йиллик рамазон рўзасиники 120.000 бўлади. Буғдойни бозордаги нархи ўзгаришига қараб рақамларда ҳам ўзгариш бўлади. Валлоҳу аълам!
