Қазо рўза

Ассалому алайкум! 1. Мен шу рамазонда ва ўтган рамазонда рўзани имкон қадар тутишга ҳаракат қилдим. Лекин манашу рўза пайтида милкларим қонаб турарди. Имкон қадар ютиб юбормасликка ҳаракат қилдим. Аммо айнан неча кунлигини билмайман-у, манашу қондан оз оздан рўза пайтида ютиб юборганим аниқ. Малумки милкдаги қонни ютиб юборса рўза бузилади. Ундан ташқари шу рамазонда 7 кунлик узрли сабаб билан қилинган аниқ қазо рўзам бор. Мана шу қазо рўзани Иншааллоҳ тутиб бераман. Лекин юқорида айтганимдек қайсидир кунлари милкимдаги қонни беихтиёр ютганман. Шу юзасидан қазо бўлган рўзани қандай тутиш керак. 2. Шаввол ойи рўзасини ҳайтдан кейин тутиш тўг‘рими. Мен Шаввол ойининг 3чи кунидан бошлаб 6 кунлик рўза тутаяпман. Аммо қазо рўзам бор. Биринчи қазо рўзани тутиб бермаганим учун бу 6 кунлик рўза ўтадими? Агар адашмасам 6 кун кетма-кет тутилган Шаввол ойи рўзасида 1 йил рўза тутган савобини олади. Шунда 1чи саволимда қон ютиб юборганим сабаб қилинган қазо қопланадими?