Умрага кредит олиб бориш
Ассалому алайкум! Кредит олдим. Умра учун. Хар ой белгиланган сумма тўлайман. Просрочка бўлмасин деб харакат қиламан. Шунда шу пулга умрага борсам бўладими? Агар бориб келиб бўлсамку, лекин вақт утиши билан кредитдан проссрочка чиқиб қолса умра қабул бўладими?
– Ва алайкум ассалом! Кредит деб рибавий қарзга айтилади. Умра қилиш учун кредит олиш жоҳилликдан бошқа нарса эмас. Аллоҳдан ҳаё қилинг. Бундай пул олиш ҳаром. Истиғфор айтинг ва тезроқ қарзни ёпиб юборинг. Унинг гуноҳи қуйидаги ҳадисда берилган:
عن أبي هريرة رَضِي اللهُ عَنْهُ قَالَ رَسُولُ اللهِ صَلَّى اللهُ عَلَيْهِ وَسَلَّمَ الرِّبَا سَبْعُونَ حَوْبًا، أَيْسَرُهَا نِكَاحُ الرَّجُلِ أُمَّهُ، وَأَرْبَى الرِّبَا : اسْتِطَالَةُ الرَّجُلِ فِي عِرْضِ أَخِيهِ. ورواه الإمام أحمد في المسند
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам “Рибо етмиш жуздир, уни(гуноҳи)нг энг енгили киши онаси билан яқинлик қилиш билан баробардир. Рибонинг энг каттаси киши ўз биродарининг обрўсини тўкишдир”.
Имом Аҳмад “Муснад”ларида ривоят қилганлар. Валлоҳу аълам!
