Рўза одам бурнига “спрей” дори ишлатса
16:52 / 26.06.2015 | maruf mamudov | 8937
Ассалому алайкум! Менинг исмим Маъруф, мени қизиқтираётган бир саволим бор эди. Рўза пайтида шамолаган одам бурни билан нафас олишни енгилаштирадиган “спрей” яъни бурин ичига пуркайдиган дори ишлатсам рўзам очилиб кетмайдими? Мен атрофимдаги инсонлардан аниқ жавоб топа олмадим. Олдиндан жавобингиз учун раҳмат.
«Зикр аҳлидан сўранг» ҳайъати:
Ва алайкум ассалом! Рўзани томоқдан ичкарига ўтган нарса бузади. Шунинг учун таҳорат ва ғуслда бурнига сув олган киши бурнини ачиштирмай ювишга буюрилинади. Бурнига дори томизган кишининг рўзаси очилади. Чунки у ҳалқуми орқали ичкарига ўтади. Спрей сепилганда ҳам унинг мазаси томоғидан ўтса рўзаси очилади.(Одатда шундай бўлади ҳам). Валлоҳу аълам.
