Ассалому алайкум! Ҳурматли устозлар. Агар бомдод намозига сал кечикиб уйғонса, вақт тиғизлиги сабабли Қуръон тиловат қилганда Ясин сурасини бошидан 5 оят, ўртасидан 5 ва охиридан 5 оятдан тиловат қилиш мумкинми? Савоби ҳам тўлиқ ўқиган билан бир хил бўладими?
Ва алайкум ассалом! Маъноси бузилмайдиган қилиб ўқиш жоиз. Шунинг учун кичикроқ бўлсада тўлиқ бир сурани ўқиганингиз афзал. Сурани чала ўқилганда савоби тўлиқ ўқиганчалик бўлмайди. Абдуллоҳ ибн Масъуд розияллоҳу анҳу ҳар бир оятни таълим бераётганларида “бир оят бутун дунё ва ундаги барча нарсадан афзалдир” деб таълим берар эдилар. Валлоҳу аълам.