Намоз ҳақида
04:52 / 04.06.2015 | Jasurbek Davlatov | 2788
Ассаламу алайкум! Мен Россияда ишлайман, аввал беш маҳал намоз ўқирдим, ҳозир шароит, вақт ва муҳит сабабли фақат бомдод намозини ўқияпман. Баъзи одамлар “бир маҳал ўқигандан умуман ўқимаган яхши” дейишди. Мен нима қилишим керак? Жавоб учун раҳмат.
«Зикр аҳлидан сўранг» ҳайъати:
Ва алайкум ассалом! У гапни айтувчилар куфрга кетиб қолишидан эҳтиёт бўлишсин. Чунки Аллоҳ таоло фарз қилган нарсани тарк қилиш яхши бўлиши мумкинми? Аксинча “Аллоҳ бир маҳалга тавфиқ берибди, сен қолганларини ҳам ўқишинг керак” дейишса яхши бўлар эди. Валлоҳу аълам.
