“microsoft office” дастурларидан фойдаланиш

Ассалому алайкум! Баъзилар дастурий таъминотларни сотишади. Сиз пул тўлайсиз ва сизга калит сўзи пул эвазига ишлаб чиқарувчи томонидан берилади. Бу калит билан дастурни ишга тушириб, ундан фойдаланиш мумкин. Аммо махсус кичкина дастурчалар ҳам ўйлаб топилган бўлиб, улар пулли дастурга мос келадиган, "тушадиган" калитларни текинга ясаб беришади. Бу иш билан улар дастур яратувчилар индустриясига зиён берсалар, бир вақтнинг ўзида дастурни кенг фойдаланувчи омма ихтиёрига бериб, фойдали иш ҳам қиладилар. Саволим кенг тарқалган “microsoft office” дастурлар тўплами ҳақида. Офис пакетини сотишда турли йўллар билан нарх қўйилади. Шу йўллардан бири Офисни талабаларга бепул тарқатишдир. Аммо улар сизнинг талабалик кодингизга асосланиб калит берадилар ва бу код бизнинг мамлакатда (афсуски) берилмайди. Оффис пакети асосан илмий-таълим йўналишида ишлатишини ҳисобга олсак, уни очишдан мақсадимизни ҳисобга олсак биз ҳам ўша очқич дастурлар ёрдамида уни очсак бу ишнинг ҳукми қандай бўлади?