Бировни кофир дейиш гуноҳми?

Ассалому алайкум! Мен чет давлатда ўқийман. Бизнинг олийгоҳда кўп давлатлардан одамлар келиб ўқишади. Саудиа ва Покистондан ҳам мусулмон ўртоқларим бор. Улар Ғарб давлатларидан келган одамларни "кофир" деб аташади. Мен уларга “Бунақа деманглар биз бир ота-онанинг зурриёдларимиз" десам ҳам, улар "Кофирлар бизларга дўст эмас" дейишади. Мен Ўзбекистонда жумъа марузаларида бировни кофир дейиш катта гуноҳ эканини кўп эшитганман. Лекин уларнинг гапларини эшитиб ҳайрон бўлдим. Улар ҳаммаси мусулмон талимотини мактабда олишган экан. Ғарбдан келган одамлар бизларга ҳеч нима ёмонлик қилмаган бўлса ҳам улар барибир "кофирлар" дейишади. Саволим шуки росдан ҳам бировни "кофир" дейиш гуноҳми ёки баъзида айтиш мумкинми? Агар мумкин бўлса, қандай вазиятда айтиш мумкин? Жавобингиз учун олдиндан раҳмат.