Мулк сурасининг 3-ояти ўқилиши
16:43 / 11.09.2014 | Shakhzod | 3207
Ассалому алайкум, ҳурматли Шайх Ҳазратлари! Мулк сурасининг 3-оятини ўқилишига тушунолмадим. Маслаҳат берсангиз. "Аллазий холақо сабъа самааваатИИ" деб ўқиладими ёки "Аллазий холоқа сабъа самааваатИИН" дебми ёки бошқача?
Шайх Муҳаммад Содиқ Муҳаммад Юсуф роҳимаҳуллоҳ:
"Самааваатин" калимасидаги “танвин” ни “то” ҳарфининг чиқадиган жойига яшириб, озгина димоғда ғунна билан ушлаб туриб, кейин “тибаақо” дейилади. Ушбу қоидаларни қандай ўқилишини ёзиш орқали тушунтириш жуда мушкул. Бундай қоидалар фақат ва фақат устознинг оғзидан эшитиш орқали ўрганилади. Тажвид китобларига мурожаат этиб, билимингизни оширишингиз учун эслатиб ўтаман, бу ерда “ихфо” қоидаси бор.
