Дунёвий ва диний илм борасидаги ҳар хил гап-сўзлар ҳақида

Бугунги кунда "Дунёвий илм ва Диний илм" деган тушунчалар пайдо бўлган. Бу ҳақида дўстларимиз ўртасида кўплаб ихтилофларга сабаб бўлгувчи воқеларга ҳам гувоҳ бўлмоқдамиз. Мен қизиқиб, баҳоли қудрат манбаларга мурожаат қилдим. Аммо кўп нохушликларга сабаб бўлаётган бу икки тушунча қайси моҳиятга кўра одамлар ўртасида бир-бирига зид талқин қилинишини тушуна олмадим. Иккинчи томондан кўплаб илм аҳлларининг ўртасида ҳам "диний илм дунёвий илмни, дунёвий илм диний илмни инкор қилади" деган ғарбона тушунча оммалашиб кетган. Камина ёш тадқиқотчиман. Айни шу масала бизнинг тушунчаларимизга таъсир этмоқда ва бунга холис ойдинлик киритилишига эҳтиёж сезилмоқда. Муҳтарам Шайҳ ҳазратлари! Бугун сизга ушбу мактубни тўрт тадқиқотчининг номидан камина йўлламоқдаман. Сиздан илтимос, ушбу масалага ойдинлик киритиб берсангиз.