Эр ёки она
11:16 / 24.09.2014 | nargiz90 | 2609
Ассалому алайкум, ҳурматли Шайх Ҳазратлари! Янги келинчалик пайтимда хўжайиним аямларни ёмон кўришларини айтиб, бир кун шуни устига оиламиз бузилишини айтгандилар, шундай бўлди ҳам. Қайнонам ҳеч нимадан ҳеч нима мени ўғрига чиқартирдилар, хўжайиним ва қайнонам онамларни “ойи” демасангиз, устингиздан тилла тўкамиз" дейишди. Ўзи йиғлаб 1 ойга зўрға борсам, боришим билан 3 кун аразлардилар. Охири "ойинг ёки мен" дедилар. Устоз, мен онам дедим. Хато қилмадимми? Ҳаттоки давлат рўйхатидан ўтмаганмиз. Никоҳимиз бор. Ҳозирда мусофирликда ота - онамга қарашиб юрибман. Устоз илтимос маслаҳат беринг, талоғимни олишга қийналяпман. Кечирасиз ножўя гапирган бўлсам. Жавобингиз учун олдиндан катта раҳмат.
Шайх Муҳаммад Содиқ Муҳаммад Юсуф роҳимаҳуллоҳ:
Сабр қилинг. Гапи ўтадиган одамлар уларга насиҳат қилишсин. Фарзандга онангдан воз кечасан дейиш мутлақо мумкин эмас.
