Илмни етказиш вожиблиги

Яқинда фейсбук ижтимоий тармоғида қуйидаги хабар тарқалди: Америкалик бир киши масжидда намоз ўқиди, сўнг, туриб микрофонни қўлига олди-да, фақат Фотиҳа сурасини билганларгина унинг нима ўқиётганини англай оладиган даражада фотиҳани тажвидсиз, тушунарсиз қилиб ўқиди ва йиғлаб ташқарига чиқиб кетди. Масжид имоми унинг кетидан чиқиб, ундан нима учун бундай қилганини сўради. У икки кунгина олдин Исломни қабул қилгани ва Ислом ҳақида таржима қилинган бир китобни ўқиб, унда Росулуллоҳ соллаллоҳу алайҳи васалламнинг: "Мендан бир оят (эшитган) бўлса(нгиз) ҳам, етказинг!", деган сўзларини ўқиганини айтди. - Мен еттита оятни ёд олдим ва уларни (одамларга) етказдим.- деди. Ҳазрат, илмни етказишда юқоридаги каби иш тутиш тўғрими?