Тарихга назар…
09:43 / 28.12.2014 | ixlos abbosov | 2947
Тарихдан маълумки, Араб халифалиги ўз ҳудудини бошқа ҳудудларни эгаллаш эвазига кенгайтириб борган. Арабларнинг Ғарбга юришини 732-йилда Карл Мартелл Пуате (Франция) остонасида тўхтатади. Халифалик Шарқда эса Қутайба бошчилигида Хитой остонасигача ёйилган. 1453-йилда султон Меҳмет II Константинополни эгаллади, бу биз учун фаҳр, аммо Византия тарихчиларининг айримлари бунга яхши кўз билан қарашмайди, чунки уларнинг фикрича, турклар Византия маданиятини йўқ қилишган. Шунинг учун улар ёмон кўради, биз эса фахрланамиз. Чунки улар мусулмон эмас. Яна Аллоҳ билгувчидир. Ҳурматли устоз тушунтириб берсангиз, мусулмонларнинг бошқа ўлкаларни эгаллашининг шаърий ҳукми қандай бўлади? Кофирларнинг ерларини босиб олиш мусулмонларга ҳукм қилинганми?
Шайх Муҳаммад Содиқ Муҳаммад Юсуф роҳимаҳуллоҳ:
Ёзишингизга қараганда, бу мавзу бўйича мусулмонмасларнинг маълумотларидан фойдаланганга ўхшайсиз. Сиз мусулмон олимларнинг ёзганини ўқинг. Бу жараённинг Исломий истилоҳда "фатҳ қилиш" деб аталади.
