Кредитни ёпишни ният қилдим

Биз оиламиз билан 7 йил аввал квартира оламиз деб, банкдан бу нарса ҳалол эмаслигини билиб турсам ҳам, иймоним заифлик қилиб, уйдагиларимни бундай қилмасликга кўндира олмаслигимни сезибми, кредит олганмиз. Аллоҳга шукр, оиламизда ҳамма ибодатда. Бисмиллоҳни айтиб қарз олиб, бир мартталик бир ишни бошладим. Шу ишни бошлашда “ИншаАллоҳ фойдасидан шу кредитни ёпиб, иккинчи риболик ишга қўл урмайман” деб ният қилган эдим. Отам (нафақадалар) кўзларидан нолиб қолдилар, "докторга мурожаат қилиб, текширтириб, даволанишим керак ", деган ниятдалар, анча кийналиб колдилар. Оиламиз бюджети умумий бўлган ҳолда, мен кредитни тўлаб юборсам, отамни ранжитиб қўйсам керак. Шу ҳолатда қандай йўл тутсам бўлади? Аллоҳ баракасини берса, иккала ишни ҳам қиламан. Илтимос Ҳазрат, ишимнинг баракасини беришини, Аллоҳнинг, ота онамизнинг розиликларини топишлигимизни Аллоҳдан сўраб дуо қилинг.