Қизни ўқитиб турмушга бериш ҳақида ота васияти

Ассалому алайкум, ҳурматли Шайх Ҳазратлари! Уйланиш ниятида юрганим сабабли, бир қизнинг онасига ўз вакилларимни жўнатган эдим. Қизнинг онасини айтишича, турмуш ўртоғи (қизнинг отаси) вафот этишидан олдин, қизини ўқитиб, кейин турмушга бериш ҳақида васият қилган экан. Ҳозирда акалари ва онаси билан яшайдиган қиз, гарчи турмуш қуриш ёшига етган бўлсада, айнан мана шу васиятни деб турмуш қуролмаётган экан. Бунда қиз турмушга мойиллик билдирсада, акалари отасининг васиятини адо этиб кейин узатамиз деб, келган совчиларни қайтараётган экан. Уларнинг шу иши тўғрими? Қиз ўзи хоҳласа, қизга нисбатан бу жабр эмасми?