Асҳобларнинг қабрлари
07:28 / 28.02.2016 | Kahaber | 2724
Ассалому алайкум! Устозлар, буюк саҳобийлар Усмон, Али, Холид ибн Валидлар(Аллоҳ улардан рози бўлсин)нинг қабрлари қаерда жойлашган?
«Зикр аҳлидан сўранг» ҳайъати:
Ва алайкум ассалом! Усмон розияллоҳу анҳу Мадинаи мунавварадаги “Бақеъ” қабристонига дафн қилинганлар. Али ибн Аби Толиб розияллоҳу анҳунинг қабрлари маълум эмас. У киши ўғиллари имом Ҳасан розияллоҳу анҳуга қабрларини махфий қилишларини васият қилган эканлар. Шунинг учун бу борада турли фикрлар айтилади. Ибн Касир раҳимаҳуллоҳ ўзларининг “Ал-Бидая ван ниҳая” китобларида Холид ибн Валид розияллоҳу анҳунинг қабрлари Химс шаҳрида эканлигини ёзганлар. Тарихчиларнинг машҳур гапи шу. Баъзи уламолар : “Мадинаи Мунавварада вафот топиб, ўша еррга дафн қилинган” деганлар. Валлоҳу аълам!
