Садақа

Ва алайкум ассалом! Бир нарсани ҳеч қачон унутмаслигимиз керак. Мусулмонлар каби бошқа дин вакиллари ҳам Аллоҳ таолонинг бандаларидир. Инсоннинг ўз ота-онасига бўлган боғлиқлигидан кўра бандаларнинг Аллоҳ таолога бўлган боғлиқлиги беқиёсдир. Чунки ота-она фарзандни дунёга келишига Аллоҳ таолонинг изни билан сабабчи бўлган зотларгина холос. Аллоҳ таоло эса уларнинг Холиқи, Розиқи, ҳамма нарсасига кифоя қилувчисидир. Кимнинг оқибати нима бўлиши ёлғиз У зотнинг ўзигагина маълум. Мумкинки ҳозир улар иймонда бўлмасада, сиз каби кишиларнинг чиройли муомалалари, қилган яхшиликлари, иймонга чақиришлари туфайли Аллоҳ таолонинг дўстларига айлансалар. Шу ниятда уларга ҳам мусулмонларга муносабатда бўлгандек муносабатда бўлиш керак. Валлоҳу аълам!