Талоқ тушадими?
19:43 / 13.05.2016 | muhsina | 3791
Ассалому алайкум! Яқинда турмуш ўртоғим билан гаплашиб ўтирган эдик. У киши мени бир илтимосимни рад қилган эдилар. Мен уларга ҳазиллашиб “агар яна шунақа қилсангиз бошқасига кетиб қоламан” деб ҳазиллашдим. Шунда улар менга “бемалол” деб жавоб бердилар. Мен уларга “бундай гапларни айтишга эҳтиёт бўлинг, талоқ тушиб қолиши мумкин” десам, у киши “мен ҳазиллашдим” дедилар. Бу ҳолатда талоқ тушмайдими?
«Зикр аҳлидан сўранг» ҳайъати:
Ва алайкум ассалом! Бу каби гаплар “киноий талоқ” лафзлари сарасига киради. Бунда эътибор эрнинг ниятига бўлади. Талоқни ният қилмаган бўлса, талоқ тушмайди. Валлоҳу аълам!
