ХАЗРАТ МАСЛАХАТ БЕРИНГ!
00:00 / 27.07.2009 | eski savollar | 2364
Ассалому - алайкум Шайх Хазратлари!Туксонинчи йиллардан бери сизни ёзган китобларингизни укиб келаман, маърузаларингизни эшитаман, деярлик барча китобларингиз менда бор. Сизни маърузаларингизни Маккада зшитиб, марок олганман. Формдаги барча жавобларингизни укийман. Шу вактгача бирор савол беришга ботина олмаганман. Сиздек ватандошим борлигидан фахрланаман. Бир биродаримни, илтимосига биноан куйидаги саволни бермокдаман. Биродаримни узи бу ходисани айтиб бермаса ишонмас эдим. Биродаримни айтишича, жиянини ичига бир неча жин кириб колган эмиш. Жияни галати холатга тушиб колибди. Хар хил гаплар гапириб, галати киликлар килаётган экан. Намоз вакти булди намоз укигин дейишса, эшитмаяпсизми менга укимагин дейишяпти деб хар хил гаплар гапираётган эмиш. Домлаларга укитишаётган экан. Укишаётган вактда бола бехуш булиб колаётган экан, ичидан жинларнинг чикмайман, чикмайман деган овози келар экан. Бир икки жинни чикаришибди, улар зркак жинлар экан. Ичида колган жин аёл жин эмиш, чунки ичидан келаётган овоз аёл кишини экан. Лекин бунисини чикариша олмаётган экан. Курон оятлари укиб чикариб булмайди, жинларни тилида укиш керак деб айтишибди. Биродарим, амакиси нима килишларини билмай колдила , болани узини ёлгиз колдириб булмаяпди деб айтяпди. СИЗДАН ИЛТИМОС БУНДАЙ ХОЛАТДА НИМА КИЛИШ КЕРАК, МАСЛАХАТ БЕРИНГ. Олдиндан катта рахмат. Хурмат билан мухлисингиз ХОЖИ АКБАР.
Шайх Муҳаммад Содиқ Муҳаммад Юсуф роҳимаҳуллоҳ:
- Жин одамнинг ичига кириб олди. Жинни одамнинг ичидан чиқарди каби сўзлар бизда йўқ. Жин тегди, жин текканга дам солди каби тушунчалар бор. Бунда шаръий дам солиш фойда беради. Ундан Қуръони Карим оятларидан ва суннатдаги дуолардан ўқиб дам солинади. Дам солувчи бу ишни касб қилиб олмаган. Тақводор, покиза, ибодатли шахс бўлиши керак. Дам ҳам дуонинг бир тури ҳисобланади. “Ҳадис ва Ҳаёт”нинг “Тиб ва дам” китобида бу ҳақда батафсил маълумот бор.
