Ассалому алайкум! “Бева аёлларнинг дуолари қабул бўлмас экан. Чунки эрсиз аёлларнинг иймони ярим бўларкан” деб эшитдим. Шу ростми?
Ва алайкум ассалом!
عن أنس قال: قال رسول الله صلى الله عليه وسلم: إذا تزوج العبد فقد استكمل نصف دينه, فليتق الله في النصف الباقي. وأخرج البيهقي
Анас розияллоҳу анҳудан ривоят қилинади:
"Расулуллоҳ соллаллоҳу алайҳи васаллам : “Банда қачон никоҳланадиган бўлса, батаҳқиқ динининг ярмини мукаммал қилиб олган бўлади. Қолган ярмида Аллоҳга тақво қилсин” дедилар".
Байҳақий ривояти.
Ушбу ҳадис аёлларга ҳам тегишлидир. Яна бир санади заиф бўлган ҳадисда :
عطية بن بسر المازني مرفوعا في حديث : أن من سنتنا النكاح ، شراركم عزابكم ، وشرار أمواتكم عزابكم
Атия ибн Буср Мозаний раҳматуллоҳи алайҳ тарафларидан ривоят қилинган марфуъ (санади Расулуллоҳ соллаллоҳу алайҳи васалламга етиб борган) ҳадисда: “Суннатимиздандир никоҳланиш. Сизларнинг ёмонларингиз никоҳсиз(бева ва ёлғиз эркак)ларингиздир. Ўлганларингизнинг ёмони никоҳсиз ўлганларингиздир”. “Бева аёлларнинг дуолари қабул бўлмас экан” деган гап йўқ. Валлоҳу аълам!