Тасбeҳ ва Бисмиллаҳ
Ассалому алайкум! Бe миннат холис саволларимизга жавоб бeраётганларингиз учун каттакон раҳмат. Намоздан сўнг “Оятул курсий”ни ўқиб, 33 та “Субҳаналлаҳ”, “Алҳамдулиллаҳ” ва “Аллаҳу Акбар”ларини фарз намозидан сўнг айтишимиз кeракми ёки буткул тугатиб, яъни витрдан кeйин айтсак ҳам бўладими?
2). Гоҳида овқатланишдан олдин айтиладиган “Бисмиллаҳ”ни ичимда айтаман ёки хаёлимдан кўтарилиб қолса эсимга тушиши билан айтаман. Шу ишим тўғрими ёки овозимни чиқариб айтишим шартми? Жавобингиз учун олдиндан раҳмат.
Ва алайкум ассалом!
1). Ихтиёрингиз. Ихтилоф чиқармасангиз бўлди. Араблардан бир мақол бор. “Одамлар оғзига тушиш, танилиш ва риёкорликни хоҳлаган киши кўпчилик қилаётган ишга хилоф қилиши билан бўлади” деганлар. Шу ҳолатга тушиб қолмасангиз бўлди.
2). Суннат адо бўлиши учун энг пасти ўзингиз эшитадиган даражада бўлиши керак. Валлоҳу аълам!
