Грилл
Ассалому алайкум! Мени эшитишимча кўчада қилинаётган грилл ҳаром, ейиш мумкин эмас экан. Шунга асосланиб ҳомиладор аёлда шу «Грилл»ни ейиш истаги бўлсаю, у нарсани ейиш мумкин бўлмаса, у тақдирда нима қилиш керак? Умуман олганда кўчаларда тайёрланаётган гриллни ейиш мумкинми?
Ва алайкум ассалом! Шариатимизда икки нарса асосий қоида қилиб олинган. Биринчиси: Асли ҳаром бўлган нарсанинг шаръий йўл билан ҳалол қилингани собит бўлмагунича у ҳаромлигича қолади. Масалан, гўшти ейиладиган ҳайвонлар шариатга мувофиқ сўйилмаса, уларнинг қони чиқиб кетмагани ва Аллоҳнинг исмларидан бирортаси зикр қилинмагани учун гўшти ҳаромлигича қолади. Тасмия айтиб сўйилгани аниқ бўлгачгина ҳалол деб ҳукм қилинади. Иккинчиси: Асли ҳалол бўлган нарсаларнинг бирор йўл билан ҳаром қилингани собит бўлмаса, улар ҳалоллигича қолади. Валлоҳу аълам!
