Никоҳга таъсири
Ассалому алайкум! Инсонийлик қилиб аёлимга «бор йўқол кўзимга кўринма» деб юборибман никоҳга таъсири йўқми? Ҳозир замон талаби ҳамма аёлларимизда уйда мобил телефонлар мавжуд. Дугоналарига ўзини расмини жўнатади. Қалбимиз қоралиги сабабми тез жаҳлимиз чиқиб «Агар яна жўнатсанг жавобинг ўзин билан» деб юборибман. Энди “гапимни қайтиб олдим” десам бўладими? Бу сўз жуда жиддий сўзлиги учун қалбим безовта. Илтимос йўл кўрсатинглар. Саволим ноўрин бўлса узр сўрайман. Аллоҳ сизлардан рози бўлсин.
Ва алайкум ассалом! 1). Ўша гапни айтганингизда ниятингиз талоқ бўлса, талоқ тушади. Агар талоқ ниятида айтмасангиз талоқ тушмайди. 2). “Агар яна жўнатсанг жавобинг ўзин билан” деган гапингиз талоққа қасам ичиш бўлади. Қайтиб олдим дейишингиз ўтмайди. Агар аёлингиз яна бир бор жўнатса, орага талоқ тушади. Валлоҳу аълам!
