Одам Атодан олдин одам бўлганми?
Бисмиллаҳир Роҳманир Роҳийм. Ассалому алайкум Шайх жаноблари. Бераётган жавобларингиздан Аллоҳ рози бўлсин ва улкан ажрлар билан мукофотласин, Омийн! Китоб ўқишга жудаям қизиққаним туфайли сизга яна савол билан мурожаат қилмоқчиман: 1. Яқинда «Пайғамбарлар тарихи Исломият тарихидир» (Раҳматуллоҳ қори Обидов.Тошкент Мовароуннаҳр-2005) номли китобда бир маълумотни ўқиб қолдим. Китобда (ўша китоб, 1-китоб 56-57бетлар) «... Бази муфассирларнинг айтишига қараганда, ерда аввал олти марта инсон авлоди яратилган ва яшаган бўлиб, еттинчиси Одам атонинг авлодларидир. Кўпгина муфассирлар эса, Ерда Одамдан олдин одам қиёфасидаги жон ва унинг авлодлари жинлар яшаган дейдилар» деб ёзилган маълумотни учратдим. Мен Одам (алайҳиссалом) отамизни дунёдаги биринчи инсон деб эътиқод қилардим. Илтимос Шайх жаноблари шуни аниқлаштириб берсангиз.
– Ва алайкум ассалом! Одам отанинг биринчи инсон экани Қуръонда келган ҳақиқат. Ундан олдин ҳам кимлардир ўтгани тарихчи ва баъзи тафсирчиларнинг тахмини. Тахминнинг қўйиб ҳақиқатни олган афзал.
