Абу Ханифа рахматуллохи алйхи
07:36 / 27.03.2017 | Хамид | 4063
Ассалому алайкум!Сиздан сурамокчи булганим шуки Абу Ханифа рахматуллохи алайхи ни"Абу Ханифа"деб аталишлраи сабабини билмокчи эдим.Баъзи жойларди кизларининг исмлари Ханифа булган деб ёзилган баъзи жойларда ёнларида доим сиёхдон олиб юрганликлари ун деб эшитдим.Буларнинг каси бири хакикатга якин.Иложи булса шундай номланиш тарихларини айтиб утсангиз.Жавобингиз ун рахмат Аллох рози булсин.
«Зикр аҳлидан сўранг» ҳайъати:
Ва алайкум ассалом! “Ҳаниф”нинг маъноси, ҳаққа моил бўлган, носиқ ва муслим деган маъноларни ифода қилади. Омма ичида “Ҳанифа исмли қизлари бўлган ва шунга Абу Ҳанифа дейилади” деган гап ҳам бор. Лекин у кишининг фарзандларидан тарихчилар “Хаммод” деган ўғлигина борлигини айтишган. Қизлари борлигини айтишмаган. Куняланиш учун фарзанд бўлиши зарур эмас. Бирор амалда юқори даражада бўлса ҳам ўша амалнинг отаси маъносида куняланаверилади. Яна бир қавлда «Ҳаниф (ҳақда собит бўлган ва ботил йўлга моил бўлмаган) миллатнинг устози (Олтинхонтўра, Саййид Маҳмуд Тарозий)» деб ҳам келган. Лекин у кишининг қизлари ҳақида маълумот йўқ экан. Валлоҳу аълам!
