Табиблар учун мукофот
Ассалому алайкум! Ҳурматли устозлар, Аллоҳ илмингизни зиёда қилсин ва бизларни ҳам ундан фойдаланишни насиб этсин. Саволим қуйидагича:
Табиблар баъзан ташхисни ойдинлаштириш учун беморларни текширувларга МРТ, КТ, МСКТ каби хусусий клиникаларга юборишади. Бунда хусусий клиника маъмурияти табибга мукофот сифатида ҳар бир юборилган касалдан маълум миқдорда маблағ ажратишади. Ушбу пулни олиш ҳалолми? Излаш хизматидан бунга ўхшаш савол топа олмадим. Жавоб учун олдиндан раҳмат!
Ва алайкум ассалом! Табиб, беморга бир неча вариантларни айтса, бемор шулардан бирини танлаш ихтиёри бўлса, шунингдек ўша компания бемор тўлайдиган пулга табибга бериладиган маблағни қўшмаса, беморни алдаш ҳолати умуман бўлмаса жоиз бўлади. Аммо қуйидаги линкда келгани каби ҳолат бўлса, мутлақо мумкин бўлмайди. Валлоҳу аълам! http://savollar.islom.uz/savol/84578
