Қон қуйиш бўйича бир аёлнинг саволи

Ассалому алайкум! Қон қуйиш бўйича бир аёлнинг саволи: 1) Кофир кишининг қони мусулмонга харомми? Негаки кофир турли нарсаларни истеъмол қилган бўлади, яъни асли ҳаром бўлган нарсаларни, ва маънан ҳаром нарсаларни (Аллоҳнинг номи зикр қилинмаган гўштларни, ёки рибодан тушган фойдани. Яна, кўп ҳолда кўрганмиз, қон топшириш жойларида ароқ ичувчи эркак ва аёллар ўша ичкилик учун пул топиш мақсадида қон топширишарди. Дўхтирлар уларни текширса-да, лекин уларнинг қачон ичгани билан унча қизиқишмас экан, яъни ҳозир маст бўлмаса бўлди, чунки бошқа қон топширувчиларнинг ўзи йўқ ҳисоби, — энг узоғи билан бир кун олдин ичмаган ҳолда бўлишади, биз эса биламизки, инсон танасида истеъмол қилган нарсаси камида 72 соат давомида қонида туради, жисми эса 40 кундан кейин покланади шунинг учун шунча муддат намози қабул бўлмайди). 2) Эътиқодидан қатъий назар, муслима аёлга бегона эркакнинг қонини, ёки мусулмон эркакка бегона аёлнинг қонини қуйиш жоизми?