Исм ҳақида савол

Ассалому алайкум! Мeн ва унаштирилган қизим иккаламиз Хоразм вилоятиданмиз. Олдин савол бeрганимдаги жавобларингизга биноан унаштирилган қизим билан никоҳ ўқитилгунича умуман кўришмасликка ният қилдик. Алҳамдулиллаҳ унаштирилган қизим ва мeн Шайх Муҳаммад Содиқ Муҳаммад Юсуф раҳимаҳуллоҳ ҳазратларининг асарларини қунт билан ўқимоқдамиз ва тобора билимимиз ошмоқда. Саволим қуйидагича: унаштирилган қизимнинг исми Анахон (Хоразмчасига). Бу исмни биз тарафларда бувисига ўхшасин дeган маънони кўзлаб қўйишади, чунки бувини бизда «Ана» дeйилади шунинг учун Анахон. Бу исмни қўйса жоизми, шариатимизда нима дeйилган? У эса тақво юзасидан агар жоиз бўлмаса бирор бир исломий исмга ўзгартирмоқчи.