Ассалому алайкум! Мен интернетда адашмасам бир маърузани эшитгандим ёки бир маколани ўқигандим. Расулуллоҳ соллаллоҳу алайҳи васаллам ким мени тушида кўрса хақиқатда мени кўрган бўлади чунки шайтон менинг суратимга киролмайди деган маънодаги хадисларини шундай тушунтиради: кўп одамлар бу хадисни нотўғри тушунишади, Расулуллоҳ соллаллоҳу алайҳи васалламни суратларига шайтон киролмайди лекин бошқа қиёфада ўзини Расулуллоҳ соллаллоҳу алайҳи васаллам қилиб кўрсатиши мумкин. Биз у кишини ҳаётда кўрмаганмиз шунинг учун уларни суратларини танимаймиз, лекин Расулуллоҳ соллаллоҳу алайҳи васалламни кўрган сахобалар уларни ажрата олган. Бу гап тўғрими?
Ва алайкум ассалом! Шамоиллларини яхши ўқиб, таниб олганч ўша суратда тушида кўрса, ўша аниқ кўрган бўлади. Сиз айтган гап уламоларнинг бир неча фикрларидан биридир. Валлоҳу аълам!