Ассаламу алейкум шайх жаноблари мен қирғизистон фуқоросиман. Қирғизистондаги хунрезликлардан хабарингиз бор. Мен мусофир юртдаман қирғизлардан қасос олсам бўладими элим (ош)учун ёки шу эрда юрган қирғизларга озор берсам бўладими? Ал қасос минал ҳақ деган ҳадис менга тегишлими?
– Ва алайкум ассалом! Қасосни ҳар ким ўзича олмайди. Жиноятчини маҳкама орқали гуноҳи бўйнига қўйиб, кейин қарор чиқарилади. Бўлиб ўтган ишга ҳаммамиз афсусдамиз, аммо сиз айтган йўл билан қасос олиш шариатда йўқ. Бундай қилинса, икки халқ доим бир-бирини ўлдиришда давом этадиган бўлиб қолади. Биз бу каби ишларнинг такрорланмаслиги учун ҳаракатда бўлишимиз керак.