Тишга тош ёпиштириш ҳукми
Ассалому алайкум! Мeн бу саволни бир дўстимнинг номидан сўрамоқчиман. У мeндан тишнинг устига тош ёпиштирдириш ҳукмини сўради. Бундай қилиш жоизми? Таҳорати ва намозларига зарар қилмайдими? Олдиндан жавоб учун раҳмат.
Ва алайкум ассалом! Ҳозирги кунда одамлар қулоққа зирак тақилган, қўлга узук тақилгани каби тишларига қимматбаҳо тошлар қўйдиришмоқда. Бундан мақсад зийнатдан бошқа нарса эмас. Бу шаръан жоиз эмас, чунки ғусл ва таҳоратда унинг остига сув етмайди. Тишга қўйилган плмбалар бундан мустасно. Абдуллоҳ ибн Масъуддан розияллоҳу анҳудан ривоят қилинади : Расулуллоҳ соллаллоҳу алайҳи васаллам : «Игна билан баданига сурат чизувчи аёл ва чиздиртирувчини, соч улайдиганни ва улатадиганни, ҳусн учун тишларини орасини очувчини ва Аллоҳ халқ қилган нарсани ўзгартирувчини лаънатлаган», деб айтдилар. Имом Бухорий ривоят қилган. Шунга биноан жоиз эмас. Таҳорат ва ғусл адо бўлмайди. Валлоҳу аълам! http://savollar.islom.uz/savol/29715
