Арафа куни нафл рўзасини тутуш

Ваалайкум ассалом! Арафа куни халқ тилида икки кунга ишлатилади. Биринчиси ҳожилар Арофатга чиқадиган кун. Иккинчиси икки ҳайтдан аввалги кун. Рамазоннинг арафа кунида рўза тутиш фарз, ифторликдан оз вақт олдин очиш ҳам қазо ва каффоратни вожиб қилади. Халқ тилидаги “арафа куни эрта очиб юборган қизларга яхши эр насиб қилади” деган гап дин душманларининг гаплари. Бундай қилган кишилар оғир гуноҳга қўл урган бўладилар ва ўша очиб юборган рўзасининг қазоси билан бирга икки ой узмасдан каффоратини ҳам тутиб берадилар. Қурбон ҳайитининг арафаси куни рўза тутиш жоиз, фарз эмас. Валлоҳу аълам!