Соатсозман, одамларнинг соатлари қолиб ўзлари келмай қўйишади
13:14 / 09.09.2018 | Halililloh Kamoldinov | 2377
Ассалому алайкум! Ҳурматли устозлар, Аллоҳ илмингизни зиёда қилсин. Мен соатсозман, мижозлар соатни ремонтга ташлаб кетишади мен 3-4 кунни атрофида тузатаман, лекин баъзи мижозла ўз вақтида олиб кетмайди. 10 йилни ичида анча соатлар йиғилиб қолган, уларни ичида анча қимматлариям бор, телефон қилиб олиб кетинг деб айтаман. Шунда ҳам бепарво бўлишади. Мен шу қолиб кетган соатларга охиратда жавобгар бўламанми? 3 мартта огоҳлантирганимдан кейин запчаст қилиб юборсам бўладими? Сотиб юборсамчи? Чунки мен у соатларни тузатганман.
«Зикр аҳлидан сўранг» ҳайъати:
- Ва алайкум ассалом! Ўзларидан сўранг. Олиб кетмасангиз запчаст қилиб юбораман деб розилигини олинг. Қабул қилиб олишда қиёмат куни зиммангизда қолиб кетадиган қилиб қабул қилмай, турар жой телефон номер, ишхона каби етказиб бера олиш даражада аниқ қилиб олинг. Бировларнинг ҳаққи ҳар қандай ҳолатда ҳам бировнинг ҳаққи бўлади. Валлоҳу аълам!
