Жанозада тобутни қўлма-қўл қилиб кўтариш
19:28 / 01.10.2018 | Козимжон | 3551
Ассалому алайкум! Аксар жума кунлари масжид ва қабристон оралиқ масофа яқинлиги, одамлар кўплигидан жаноза тобутини елкага олишни имкони йўқ. Шунда қўлма-кул қилиниши тўғрими?
«Зикр аҳлидан сўранг» ҳайъати:
- Ва алайкум ассалом! Асосий мақсад одам топилмай ўлик кўмилмасдан қолиб кетмасин эди. Ҳозирда эса одам кўп, бундай ҳолатда савоб олишдан кўра маййитга озор етказиш кўпроқ бўлса озор етказишни бас қилиш керак. Бунга мисол фуқаҳоларимиз, “Издиҳомларда улуғ инсонлар билан қўл бериб кўришиш уларга озор берса кўришишни тарк қилиш афзал” деганлар. Валлоҳу аълам!
